နောက်ခံသမိုင်းကြောင်း
အစိုးရစက်မှုလက်မှုသိပ္ပံ(မန္တလေး)အား ၁၉၅၅ခုနှစ် ဒီဇင်ဘာလ(၂၀)ရက်နေ့တွင် စတင်ဖွင့်လှစ်ခဲ့ပြီး နိုင်ငံတော်ဝန်ကြီးချုပ်ဦးနုကိုယ်တိုင်ဖွင့်လှစ်ခဲ့ပါသည်။ စတင်ဖွင့်လှစ်ခဲ့သည့်တည်နေရာမှလမ်း(၃၀)နှင့် (၃၁)လမ်း ကြား၊(၆၈)လမ်းနှင့်(၇၀)ကြားပတ်ကုန်းပျော်ဘွယ်ရပ်၊ ချမ်းအေးသာစံမြို့နယ် ၊ မန္တလေးတိုင်းဒေသကြီး တွင်ဖြစ်ပါသည်။ ၁၉၅၅ခုနှစ်တွင်စတင်ဖွင့်လှစ်ခဲ့သောအစိုးစက်မှုသိပ္ပံ(မန္တလေး)အား၁၉၉၉ခုနှစ်သြဂုတ်လ(၂၀)နေ့တွင် နည်းပညာကောလိပ်အဖြစ် အဆင့်တိုးမြှင့်ခဲ့ပြီး အဆိုပါနည်းပညာကောလိပ်ကို ၂၀၀၂ခုနှစ်အောက်တိုဘာလ(၂၂)ရက်နေ့တွင် နည်းပညာက္ကသိုလ်(မန္တလေး) တည်ရှိရာမြေနေရာ အဆောက်အဦးများသို့ပြောင်းရွှေ့ပြီး နည်းပညာတက္ကသိုလ် (မန္တလေး)အဖြစ်ထပ်မံအဆင့်တိုးမြှင့်ခဲ့ပါသည်။ ၁၉၅၅ခုနှစ်တွင် လမ်း(၃၀)၌စတင်ဖွင့်လှစ်ခဲ့သော အစိုးရစက်မှုလက်မှုသိပ္ပံ(မန္တလေး)အား ၁၉၉၉ ခုနှစ်တွင် အစိုးရနည်းပညာကောလိပ်(မန္တလေး)သို့ လည်းကောင်း၊ အစိုးရနည်းပညာကောလိပ်(မန္တလေး)မှ အစိုးရနည်းပညာတက္ကသိုလ်(မန္တလေး)သို့ လည်းကောင်း အဆင့်တိုးမြှင့်ဖွင့်လှစ်ခဲ့ပြီးနောက် ၁၉၉၉ခုနှစ်နောက်ပိုင်း ဖွင့်လှစ်ခဲ့ခြင်းမရှိသော အစိုးရစက်မှုလက်မှုသိပ္ပံ(မန္တလေး)အား ၂၀၁၆ခုနှစ် ၊ ဇန်နဝါရီလ(၂၆)ရက်နေ့မှစ၍ (၆၉) လမ်းနှင့်(၇၀)လမ်းကြား၊ (၂၈) လမ်းထောင့်တွင် အစိုးရ စက်မှုလက်မှုသိပ္ပံ (မန္တလေး) အဖြစ် စတင်ဖွင့်လှစ်၍ အင်ဂျင်နီယာဘာရပ်များသင်ကြားခဲ့ပါသည်။ ၂၀၂၂ခုနှစ်ဇွန်လ (၂၉)ရက်နေ့မှစ၍ လမ်း(၇၀)နှင့် (၂၈)လမ်းထောင့်ရှိ အစိုးရစက်မှုလက်မှုသိပ္ပံ(မန္တလေး) အားအစိုးရနည်းပညာကောလိပ်(မန္တလေး) အဖြစ်တိုးမြှင့်ဖွင့်လှစ်ခဲ့ပြီးဖြစ်ပါသည်။
![](http://www.gtcmandalay.edu.mm/wp-content/uploads/2024/07/web-pic-2.jpg)
ရည်မှန်းချက်
- ဒေသဖွံ့ဖြိုးတိုးတက်ရေးနှင့် ပြည်သူများ၏ လူမှုစီးပွားဘဝ ဖွံ့ဖြိုးတိုးတက်မှုကို အထောက်အကူပြု နိုင်စေရန်
- နိုင်ငံတစ်ဝန်းရှိစက်ရုံ၊ အလုပ်ရုံများနှင့် တည်ဆောက်ရေးလုပ်ငန်းများတွင် လိုအပ်လျက်ရှိသော အရည်အချင်း ပြည့်ဝသောနည်းပညာဘွဲ့ရ (Technologists) များ မွေးထုတ်နိုင်စေရန်
မျှော်မှန်းချက်
- ဒေသဖွံ့ဖြိုးတိုးတက်ရေးနှင့် ပြည်သူများ၏ လူမှုစီးပွားဘဝဖွံ့ဖြိုးတိုးတက်မှုကို အထောက်အကူပြုနိုင်စေရန် နိုင်ငံတစ်ဝန်းရှိ စက်ရုံ၊ အလုပ်ရုံများနှင့် တည်ဆောက်ရေးလုပ်ငန်းများတွင် လိုအပ်လျက်ရှိသော အရည်အချင်းပြည့်ဝေသာ နည်းပညာဘွဲ့ရ (Technologists)များ မွေးထုတ်နိုင်ရန် ရည်ရွယ်ပါသည်။
- ထို့ပြင် ပညာရေးထူးချွန်သော နည်းပညာဘွဲ့ရ(Technologists)များအတွက် ဘဝတစ်သက်တာ သင်ကြားမှုအစီအစဉ်အဖြစ် တစ်ဆင့်မြင့်ပညာရေးဖြစ်သည့် မဟာဘွဲ့အင်ဂျင်နီယာ နည်းပညာသင်တန်းများနှင့် ပါရဂူဘွဲ့သင်တန်းများသို့ ဆက်လက်တက်ရောက်ခွင့်ရရှိနိုင်စေရန် မျှော်မှန်းပါသည်။
စဉ် | အမည် | ပညာအရည်အချင်း | တာဝန်ထမ်းဆောင်ခဲ့သောကာလ |
---|---|---|---|
၁ | ဒေါက်တာထွန်းကျော်မြင့် | Ph.D (Mc.E) | (၁၈.၃.၂၀၂၁) မှ ယနေ့ထိ |
၂ | ဒေါက်တာ ကျော်ကျော်မြင့် | Ph.D (Mechanical) | ( ၂၅.၅.၂၀၁၈) မှ (၁၈.၃.၂၀၂၁)အထိ |
၃ | ဒေါက်တာ အောင်သိန်းစိုး | Ph.D (Mechanical) | ( ၁.၁.၂၀၁၆) မှ ( ၂၅.၅.၂၀၁၈) အထိ |